احكي ياربابة \\
احكي ياربابة
وكلمينا عن قوة صبر الغلابة
واذاي عايشين وسط الديابة
اشد وتر الربابة واقول
اول كلامي صلاتي وسلامي علي نصير الغلابة
سيدنا محمد صل الله عليه وسلم
وتاني كلامي
لفيت في بلاد الغلابة
من شارع لحارة وحتي
ال عايش في المقابر
وشكوا لي حال الغلابة
وسعتها عرفت انها غابة
واتكلمت كمان مع ناس
قوتهم تعب يومهم
وعن قوتهم في صبرهم
من يوم الخلق العظيم
والناس ال فوق
عملاهم شماعة
شالين كتير وكل رواية
وليها ضحايا
عملوا فيكم اية الغلابة
ولا عشان ما احنا غلابة
نموت وتحيا الديابة
وتدوسوا علينا بالمداس
ياعيني علي الغلابة
مكتوب عليهم الصبر
من المهد الي اللحد
حتي يتغير حالهم
من غلابة الي مساكين
حتي لو اصبحوا حجارة من طين
لا غلاء ياثر فيهم
ماهم رابطين البطون
ولسانهم من الجدور مقطوع
ليهم رب اسمه الكريم
ومش بايديهم الفقر
ولو بايدهم ما خلقوا
تعساء ولا كانوا شماعات
بس قالوا لي كلمة
من تاريخ الحكماء
بكرة جاي بالميعاد
والدنيا مش لينا
ولا حتي ل اولادنا
الدنيا ل احفادنيا
يخسارة علي الايام
ال ضحت بينا
ول اسفل السافلين
عمالة ترمينا
دنيا غريبة وعجيبة
ومن هنا سكت الكلام
وارجع ليكم من تاني
واشد عود الربابة
واحكي ليكم من حال الغلابة
بقلمي عبدالمنعم عدلي
ليست هناك تعليقات:
إرسال تعليق