=== الطماطم من15 / قرش الى15/ جنيه // يااااااااااحلاوه ====
===== ثوره الطماطم ====
قصيده للشاعر / على عبد الرازق صالح احمد
المعــــــره / الفتـــــح -- اسيـــوط // ت/ 2763004 /088
==============================
نادت المدام وقالت هتلنا كيلوطماطم
طبت الكلمه فـــ قلبي رُحت صارخ رُحت لاطم
ورُحت مطلع لساني ورُحت شاتم
هوا انتِ فكراني حرامي ،والا مجوز هياتم
و قثلت باين يومك أسود شكله غامض ، شكله عاتم
ولا انا أبن زوات ياهانم والا من عيله قراطم
ولا انا خايف وحمه تطلع او انا لسه طفل فاطم
اسكتي وحياه ابوكِ مجبيش سيره الطماطم
والله ممدخلها بيتي لا... فى أفراح ، او مآتم
ولا عمري هجيب سيرتها وشها وش ملاطم
=============================
ولا انت فاكره ان من غير الطماطم مش هعيش
ولا..، فاكره ان هطير فى الهوا ويطلعلي ريش
طب مانا عايش رغم اني عمري ما أكلت اليميش
ورغم اني أكلي ديما مش وجبنه قريش
انا خايف يومماكلها ، يجري ورايا الشويش
وســــ و ج لحد ما اروح يامدام على مفيش
يامدام أحنا غلابه ، ممكن تاكلنا الديابه
لا.... انا اساوي وانت برضه متسويش
==================
وبعد ما ناس كتيره وجهت لينا الملام
روحت عامل أجتماع مع العيال ومع المدام
وقُلت ألم الآمور وإلا ينفلت الزمام
وربما يفكروا فى أكل لحمه أويطلبوا مره حمام
وربما يخطر فى بالهم ياكلوا مكرونه فـ برام
ورحت قايل هى كلمه انا أقولها والسلام
أسمعيها وأفهميها وأحسبي كل ما فيها يامدام
اذا كان ولابد من أكل الطماطم فيريت مره وحده كل عام
اتحرمت على اللي زيي وخلاص بقيت حرام
اوع يوم تيجي فى بالك ، اويزورك حتى طيفها فى المنام
================================
ليست هناك تعليقات:
إرسال تعليق