::::{يـالـلــي ...كُـنـتــــي }.
ياللي ليكي عمري عشتُه...
ياللي كُنتي نور حياتي...
العذاب ويًاكي شُفتُه....
في أنين دمعي وآهاتي
.......********........
كل اللي شفته أنا ف غرامك....
كلام لادقة فيه لحياة
كل اللي فيه بريق سرابِك
صداه دموع أنين وآه
......********.........
سامعِك تقولي إنتَ حبيبي
والكلمة فاقدة للوريد
الخداع منها نصيبي...
وليل ماشمعة فيه تقيد
.......********........
عايزاني أعيش غريق في بحرك
عايزاني طير من غير جناح
إن قٌلت مَرًة نفسي في بَرٍك
يكون جوابك غدر وجراح
.......********...........
فاكراني ليه غيرك ما كون؟
شيفاني ليه قَشًة ف هواكي؟
حببتي لا... خادعاك ظنون...
رضايا ليك تمنه رضاكي
......********...........
الحب للعِزًة يصون
ماشفت يوم عِزْ ف سماكي
الدمع فيه شوق العيون....
وشوقي ليك بَعْتَر صفاكي
.......*******...........
كل الحنين عليك يهون...
بتروي بيه غرور صِباكي
لاعمري يوم قلبي أخون....
ولا عمري يوم هسمَع نداكي
.........********.........
ماعمري تاني أعيش أسيرك
ولا عمري تاني أعيش حصار
بسجونك إنت علمتي طيرك
إزًاي بأيده يكون قرار
........********............
هعيش حياتي بقلب تاني
قلب توبه من حديد
الحب فيه خالي المعاني
ولا دمع عين منه يقيد
................................{من ديواني .....عامية سمير فوزي "الجزء الثاني"
ليست هناك تعليقات:
إرسال تعليق