خليك تقيل
======
صارحت قلبى وقلت له
إياك ياقلبى تحن له
خليك تقيل
لسه طريقنا فى أوله
شايفك بتجرى تمد له
صبرك قليل
وكلامه كله مصدقه
مشتاق إليه وبتعشقه
من غير دليل ... خليك تقيل
========
بص ف عينيه ... شوف قد إيه
لمعانها بيزيد ف اللقا
رعشة إيديه ... فى سلامنا ليه
لما نقول له سلام بقى
لو قلبه زاد فى الدقدقه
ولقيت مشاعرى مصدقه
وإيديا بيه متعلقه
يبقى إعشقه ... خليك تقيل
========
شايفك ياقلبى ملهوف عليه
والشوق تاعبنا قد إيه
من غيرما يحكى عن إللى فيه
فرحان حزين بنحس بيه
ونهار وليل نسأل عليه
كده ها تلاقيه
لو كان صحيح حبك كاويه
مش ها يداريه
وساعتها بس يحق لك
لهواه تميل ... خليك تقيل
محمد عبد المنصف
ليست هناك تعليقات:
إرسال تعليق