ميلاد يوم
========
ميلاد يوم طلع النهار
قال إيه بودع القمر
ساعة الصباح
لحظة وداع ويّا السهر
نزل الندى يحضن ورود
عصافير تزقزق على عزف عود
شمس تنور وضوء مولود
وسكون بيحلف وربنا المعبود
كأّن كون بيتخلق
لحظة ما تتسجلش في ورق
في يوم جديد بيتولد
بس يا رب ما يتسرق
الأرض بتضحك للسما والحياة
والطير بيسبح ويسجد للإله
والشجر بيصلي على رسول الله
فين البشر?فين البشر?ساعة الصلاة
الفجر أذن والإمام مستني
ونهار بيشقشق والحياة بتغني
نبدأ يومنا بالصلاة
و لاالبشرفي السرير متهني
الكل سبَّح وصلى
والبشر بس اللي ولى
لو كيلو سكر بلاش
والله ما كان حدّ جلّا .
..............
بقلم .. محمود فرج
ليست هناك تعليقات:
إرسال تعليق