اجمل مافى الحب
بقلم الشاعر // على عبد الرازق صالح احمد
المعصره -- الفتح -- اسيوط
======================
اجمل ما فى الحب انك تحب الخير كل الناس
تعيش فى رضا وقناعه وتبعد عن الوسواس
وحب اخوك فى العقيده زي ما يحبك
واتمنى له السعاده وشاركه فى الآحساس
وحب ربك وأهلك وكل خلانك
وعلي صروح المحبه وأرمى للموده أساس
واصبر على ظلم غيرك وعامله بمحبه
مصيره يجيله يوم يندم يبوس الراس
ولو استمر فـــــ عناده سيبه للآيام
مصيره يجيله يوم يشرب بنفس الكاس
=========
والعن ما فى الحب انك تعيش بلا أحساس
عايش لدنيتك راكبك شطان خناس
اعمى البصر والبصيره مطبوع على قلبك
الشطان بيجري فى دمك ويدق كالاجراس
لا.. انت عارف تفرق بين الظلام والنور
وكل همك فى جمع الدهب والماس
جمع الفلوس قبلتك وتسبيحك فى صلواتك
وفى الآذان تتجه صوب الفلوس بحماس
لا يوم عرفت القناعه ولا دقت طعم النوم
ودانك أصابها الطرش وانصب فيها نحاس
خللي القناعه شعارك وابعد عن الآهواس
سايق عليك النبي والمرسي ابو العباس
والا يجيلك يوم تصرخ تقول يا ناس
تلاقي الجميع يلعنك وبالنعال تنداس
=======================
بقلمي الشاعر // على عبد الرازق صالح احمد
