بطل من ورق بقلم حسام عبد الحميد

بطل من ورق
والحلم كان مركبه 
وشراعه كان الامل 
غمض عنيه وراحت خطوته
لاول طريق رحلته 
اصل الصبر ذاد مركبه
والحب في الروح مش
م العدم
تعالو نشوف حلم البطل
الحمل زايد في البدايه
لكنه فارس
علشان كدا رفض يسلم للألم
اصله بصراحه بطل من ورق
شاف الاميره من بعيد والقصر عالي
وحراس كتير وباب حديد
العقل قال كلمته اوعاك يابطل دا
مستحيل
والقلب رافض يسمع كلام
اصله بصراحه قرر ونطق
انه يكمل رحلته
راح البطل بخطوته قرب كتير
وعيون اميرته بتنتظر
والخوف ساعتها كان اسير
بدأ السلام بصوت القلب قبل
الكلام
ولسه هيقول الكلام قطعت
عليه فرحته
وقالت جيت متأخر يا بطل
زي كل حاجه بنحبها بتيجي
في زمن غير الزمن
وقف البطل وعيونه بتسأل
طب والعمل
قالت نصيب نحب نعشق
في القصص
لكن الاكيد بنعيش وجوانا
احلام كتير
صعب نحقق منها اي حلم
لو كان بسيط
طيب وحلمي الا خلاني امشي
الطريق واغزل بصبري
واتحمل
عتمة االيل الحزين
واستني اشوف ضحكتك
عند الوصول
وزين بعطرك فرحتي وطمني
خوف السنين
قالت كفايه وعنيها بتقول اياك
تروح
فتح عنيه البطل ودموعه لسه
بتنتظر حكم القدر
العمر راح واتسرق والحزن في
شراعه اترسم
وفي النهاية شوية حبر وقلم
كتب الحرف قصة بطل
من ورق
حسام عبد الحميد ♥ جليس القمر