عايزين نرجع زي زمان
عايزين نرجع زي زمان
عيلة ولمة وعيشة أمان
نرسم بسمة علي شفايفنا
مانشمتشي فينا جبان
نرسي قواعد حب ما بيننا
ننشر عدلنا جوه ديارنا
ونقلل من كتر كلامنا
ونعرف إيه مصدر أخبارنا
نقسم بيننا أي رغيف
ونقضي علي دعاة التزييف
م الأزمات الصعبة نعدي
منسلمشي للتخويف
ونعرف فين الخير م الشر
وإيه ينفعنا وإيه بيضر
المتآمر نقطع راسه
واللي مسالم بيننا يمر
احنا ف عصر الاستعمار
استعمار من بره الدار
الأعداء قاعدين ف الخارج
وبيفرضوا ع الشعب حصار
بيدمروا بسلاح الجوع
وبيقفلوا عنا الينبوع
بيموتوا الاخضر واليابس
شعب محمد شعب يسوع
مش راح نصمد غير بالحب
والقلب يبقي علي القلب
هيموتوا همه بحسرتهم
لما الشعب يشيل الشعب
لازم نرجع زي زمان
شاعر الوطن /آسر فاروق طرباي
ليست هناك تعليقات:
إرسال تعليق