صدقني ياصاحبي بقلم فتحي وجيه ..

صدقني ياصاحبي صدقني .
ولاشئ في الدنيا يفرقني ...
دي بلدي ومش راح اسيبها .
مهما الدنيا تخنقني ...
ومهما اتعذبت كتير .
راح اعيشها بكل ضمير ...
انا عارف ان فيها حيتان .
بتاكل حق الغلبان ...
لكن وبكل امانه .
بلدنا مالها مثيل ...
دا كفايه ناسها الطيبين .
واللي ع الفطره عايشين ...
ولما مأذنها للأذان بترفع
الله اكبر . الله اكبر .
بتداوي قلب العليل ...
ويارب خليك ويانا .
واحفظها ليوم الدين ...
صدقني ياصاحبي صدقني .
ولا شئ في الدنيا يفرقني ...
صدقني ياصاحبي . فتحي وجيه ..