الله عليك بقلم عادل على

الله عليك
يا ابن البلد
يا اصيل
يا ابن التراث
والحضارة والهرم والنيل 
هات ايديك
وامسك قلم
وارسم خريطه و علم 
وحلم وامل لجيل ورا جيل
ياما راح عمرنا
وايدينا على خدنا
ودموعنا فى المناديل
والحلم كان حلمنا
وفجآه غاب عننا
زى ما غابت شمسنا
والعتمة ليلها طويل
ونصيبنا كتبه القدر
نحكى حكاية بشر
فى الجرى زى الخيل
الوش حلو جميل
فى الغش مالها مثيل
كل الكلام من دهب
احلام وليها العجب
عاملين زى الديابة
واحنا الغلابة صبابه
حكاوينا على الربابة
تتغنى فى المواويل

بقلمى -------

عادل على