حلاوة المولد ..خدتها حماتى وطارت
يعنى أنا يوم ما أفكر أوفر وأبقى شاطرة يحصل لى كده.. انا فضلت أحوش 20 جنيه كل شهرمن الموسم اللى فات قلت أهو ينفعو برضه ونشترى حلاوة المولد بدل ما توتى يعمل سلفة زى كل سنة علشان نشترى منها.. هو أينعم مش كتير وقرص اللوزيه لوحده بقى ب30 جنيه بس مش مشكلة الحمد لله
وفعلا نزلنا وسط البلد وجرينا على المحل المشهور إللى هناك إللى كان يومها زحمة ولا سوق الجمعة
واتفقنا أدخل أنا أشترى علشان ناحية الستات فاضية شويه ودخلت المحل قبل العصر والمغرب أذنت وأنا لسه ما اشترتش ،والستات مملة أوى فى شراها إللى تشوف قرص اللوز فيه كم واحدة وإللى تخبط بالبندق على الترابيزة ولو إتكسر يبقى صابح لو ما أتكسرش يبقى بايت وإللى تمسك الملبن الحبل تلفه على رقبتها .. كوكى : بتعملى إيه يا حاجة .. الحاجة : بشوف الحبل طويل ولا قصير .. كوكى :إنتى طالبة أد إيه .. الحاجة : 2 متر يا أختى وحياتك .. كوكى : متر إيه هو حبل غسيل ده بيتباع بالكيلو .. الحاجة : ههههه بالكيلو إيه يا خايبة أنا طول عمرى بشتريه بالمتر شدى أدامى بدل ما إنتى واقفة كده
قلت لا بقى أنا أخرج لتوتى وهو يتصرف وأنا أروح أجيب عروسة لسارة وحصان لأحمد .. وفعلا إشتريت الحاجة للولاد ولفينا شويه على المحلات ورجعنا ببص لاقيت توتى أدامه إتنين قلت الحمد لله هانت
وطبعا كنا طايرين من الفرح وتوتى قعد يقول عليه ست شاطرة ومدبرة بس يا فرحة ما تمت وإحنا طالعين على السلم لاقينا حماتى الله يسامحها فاتحة باب الشقة .. قمت أخدت ديلى فى سنانى وقلت يا فكيك وأنا لسة طالعة اتكعبلت على السلم لاقتها بتقومنى وتقول لى سلامتك يا مرات إبنى جرى لك حاجة .. أنا : لا جت سليمة يا طنط الحمد لله .. طنط : وإيه العلبة إللى فى إيدك دى ، حلاوة المولد ، والنبى فيكو الخير يا ولاد .. وأخدتها منى وطيران على جوه جيت أدخل وراها لاقيت احفاد العيلة متجمعين عندها ,ولاد بنتها وإبنها الكبير.. وعنها وقامت حرب أهلية ولاقيت أقراص اللوز والبندق بتتطاير فى الهوا والملبن العيال بتشده من بعضها وأنا وعيالى وتوتى واقفين مصدومين وكلهم عمالين يدعوا لتوتى الهمام إللى أكلهم حلاوة المولد حتى ما افتكروش يدعوا لى ، لكن أنا ماسكتش حاولت أخد أى حاجة بس تقريبا حد بيحبنى أوى قام حدفنى بالفولية جت فى عينى وفى الآخر افتكرونا بحتة سمسمية جابت لنا إسهال
كوكى : يا توتى هات لنا حلاوة المولد بدل إللى أخدتها طنط
توتى : علينا وعليكى بخير بقى إن شاء الله السنة الجاية هبقى أجيب لك علبة تانية بس إنتى شدى حيلك وحوشى لها من دلوقتى وإحمدى ربنا إن العيال نفدوا بالعروسة والحصان بتوعهم !
كوكى : والحمد لله إنى نفدت بعينى التانية
يعنى أنا يوم ما أفكر أوفر وأبقى شاطرة يحصل لى كده.. انا فضلت أحوش 20 جنيه كل شهرمن الموسم اللى فات قلت أهو ينفعو برضه ونشترى حلاوة المولد بدل ما توتى يعمل سلفة زى كل سنة علشان نشترى منها.. هو أينعم مش كتير وقرص اللوزيه لوحده بقى ب30 جنيه بس مش مشكلة الحمد لله
وفعلا نزلنا وسط البلد وجرينا على المحل المشهور إللى هناك إللى كان يومها زحمة ولا سوق الجمعة
واتفقنا أدخل أنا أشترى علشان ناحية الستات فاضية شويه ودخلت المحل قبل العصر والمغرب أذنت وأنا لسه ما اشترتش ،والستات مملة أوى فى شراها إللى تشوف قرص اللوز فيه كم واحدة وإللى تخبط بالبندق على الترابيزة ولو إتكسر يبقى صابح لو ما أتكسرش يبقى بايت وإللى تمسك الملبن الحبل تلفه على رقبتها .. كوكى : بتعملى إيه يا حاجة .. الحاجة : بشوف الحبل طويل ولا قصير .. كوكى :إنتى طالبة أد إيه .. الحاجة : 2 متر يا أختى وحياتك .. كوكى : متر إيه هو حبل غسيل ده بيتباع بالكيلو .. الحاجة : ههههه بالكيلو إيه يا خايبة أنا طول عمرى بشتريه بالمتر شدى أدامى بدل ما إنتى واقفة كده
قلت لا بقى أنا أخرج لتوتى وهو يتصرف وأنا أروح أجيب عروسة لسارة وحصان لأحمد .. وفعلا إشتريت الحاجة للولاد ولفينا شويه على المحلات ورجعنا ببص لاقيت توتى أدامه إتنين قلت الحمد لله هانت
وطبعا كنا طايرين من الفرح وتوتى قعد يقول عليه ست شاطرة ومدبرة بس يا فرحة ما تمت وإحنا طالعين على السلم لاقينا حماتى الله يسامحها فاتحة باب الشقة .. قمت أخدت ديلى فى سنانى وقلت يا فكيك وأنا لسة طالعة اتكعبلت على السلم لاقتها بتقومنى وتقول لى سلامتك يا مرات إبنى جرى لك حاجة .. أنا : لا جت سليمة يا طنط الحمد لله .. طنط : وإيه العلبة إللى فى إيدك دى ، حلاوة المولد ، والنبى فيكو الخير يا ولاد .. وأخدتها منى وطيران على جوه جيت أدخل وراها لاقيت احفاد العيلة متجمعين عندها ,ولاد بنتها وإبنها الكبير.. وعنها وقامت حرب أهلية ولاقيت أقراص اللوز والبندق بتتطاير فى الهوا والملبن العيال بتشده من بعضها وأنا وعيالى وتوتى واقفين مصدومين وكلهم عمالين يدعوا لتوتى الهمام إللى أكلهم حلاوة المولد حتى ما افتكروش يدعوا لى ، لكن أنا ماسكتش حاولت أخد أى حاجة بس تقريبا حد بيحبنى أوى قام حدفنى بالفولية جت فى عينى وفى الآخر افتكرونا بحتة سمسمية جابت لنا إسهال
كوكى : يا توتى هات لنا حلاوة المولد بدل إللى أخدتها طنط
توتى : علينا وعليكى بخير بقى إن شاء الله السنة الجاية هبقى أجيب لك علبة تانية بس إنتى شدى حيلك وحوشى لها من دلوقتى وإحمدى ربنا إن العيال نفدوا بالعروسة والحصان بتوعهم !
كوكى : والحمد لله إنى نفدت بعينى التانية
ليست هناك تعليقات:
إرسال تعليق