أش لونك
يا أعز الناس عندي
هو القلب كم
حبيب عنده
هي:
هزني الشوگ
ع الموعد أستنيك
وأعد بيدي الدقايق
وحده وحده ..
وحده .. اثنين ..
هاي الثالثة تروح ثاني
وصار ها الموعد
أش بعده
نمت حاسب اللي أشوفك
بالحلم جاي
وگلت دمعاتي
أحطهن وسط خده
هو:
نمتي
هنيا لك غفيتي
وآني ليلي يمر
على عيوني صبح
اللي
ينيَّم وردة
ويمسد عليها
مو مثل الليل
اللي ينيم جرح
والغفا بكلمة محنه
مو مثل اللي ينام
وبعينه ملح
هيك
لا حبيبي آني
هذا الليل
مين يمرني دمعة
وحزن وأشواگ وحنين
آني عيني عليك
ما بطل دمعه
و تبكي ما تسكت العين
هو:
لا .. لا تبكين
امسحي دمعتك
وأرجوك لا تبكين
يا اللي دمعك جمر
وخدودك أحلى ورود
خايف على خدودك
من دموع العين
لا تبكين
وردة وتحترك
ما تحمل النيران
يذبل كل ورگها
وتستحيي من الطين
هي:
وأنت تگول لي لا تبچين ..؟
مو عمري أنتهى
وأيامي كلها تروح
لو راح العمر
ما تگول لي
أجيبه منين ..؟
هو:
لا تبكين
لمن بعد لمن
تسوا دمعه تطيح
هو إيش باقي بينا
ونحترگ كل حين
تعبنا القهر
ممشى جزيرة وخوف
صار الماضي غلطه
وكنا غلطانين !!
لا تبكين
لو يسوا العمر
يمكن بكينا سنين
هي:
أش لون تگول لي
لا تبچين
هو :
لا تبچين ..!!
هي:
تدري إنت
اللي يحب
ما يگدر على النار
ويا نار اللي بيَّ
أتفزز الميتين
أحتاج الدمع
مين ما أشوفك يوم
لأن يصبح عليَّ اليوم
فيه خمس سنين ..!!
حبيبي لخاطري
لا تبتعد أرجوك
ما أحتمل فراگك
تدري كل شي زين
هو:
بس أرجوچ لا تبكين
خوفي آني عليك من الدمع
والله ..
مرات الدمع
ياخذ حلاوة العين
ويا اللي كلك ترافه
أرجوك لا تبكين...
ليست هناك تعليقات:
إرسال تعليق