*****الشاعر المصري / احمد ابراهيم***********************
فى قصيدة ( حبيبتي يا مصر )
*********************************
سنين ماشيّن على درب
*********************************
سنين ماشيّن على درب
الفراق صابريّن
نعيش الحلم ونودّع سنين باكيّن
ومش عارفين
شروق الشمس يوم يرّجع
ويموّت ظلام الليل
ونتجمّع على كلمة غرام وحنين
يا مصر
يا كلمة حب مكتوبه
وطن غالي نشيد مالي
الفضا حابيّن
حواريكي سواقيكى غيطان
بالآمل طارحين
جنايّن فل يا ست الكل
يا بسمة بضحكه مرسومه
على وش القمر بتهل
على خد الوطن بتطل
على رغم الالم والمر
يا ست الكل
لساكي مفتحلّك ربيع الورد
بيصبّح على سينا على الدلتا
جنوب عايش على الضفه بيرويّكي
هرم عالي ونيل جاري
قصص حواديت بتحكيكي
وانا بحكي انا المصري
ولون القمح فى ملامّحي
شروق فجرك شروق فجري
على بابك رميت روحي وافديّكي
على ترابك رسمة الفرحه لعنيكي
وجودك سر تكويّني
على عيني أموت لو مرة يوم تبكي
ده انا العاشق وانا الدايب
وانا الكاتب قصايد شعري دى ليكي
حبيبتي يا مصرأموت وتعيشي منصورة
ولا يشمت عدو فيكي
انا العاشق تراب الفل
يا ست الكل يا بسمة
ف نشيد عالي وطن غالي
يا ست الحسّن
********************************
الشاعر المصري / احمد ابراهيم
********************************
الشاعر المصري / احمد ابراهيم
ليست هناك تعليقات:
إرسال تعليق