اتاري الفرحة جوايا بتتململ
ومش ناوية تكون فيا براح واسع
دي بس بتمتحن صبري على البسمة
وبتشوفني هداري عليها بضلوعي
وهاطويها في نن العين
ياإما تسيبني وتسافر وﻻ تقبل
ندم مني وﻻ أعزار
وﻻ تدي كمان إنزار
وماتحنش وﻻ ترجع ولو شافت دموع الدم بالقنطار
تهاجر يعني بتهاجر
وﻻ يوقفها قول مني وﻻ اشعار
ياروحي هاجري وياها
وماتسيبنيش اعيش من تاني احزاني
اعاني الحزن والحرمان
انا اسف ياجسمي الحي
ياقلبي سامحني بإديا بقيت ظمئان
وعطشك كان هايتكفي
لكني نسيت وكالعادة أنا إنسان
ورثت الطبع من ابويا
اكل من شجرة ممنوعة
وكان وسوس اليه الشيطان
خرج م الجنة واتحمل هموم الأرض
ولاجل ما تاني يوم يرجع
ﻻبد يموت
ويرجع خالي م العصيان
ليست هناك تعليقات:
إرسال تعليق