------------------------------مسئول--------------------------------
مسئول ومش مسئول
تاخد منّى كلام حلو
قوى وبعرف أعزف وأقول
ما تسألنيش عن الفعل
أو الفاعل والمفعول
أنا صوتى له فعل السحر
ولا فرقعة الطبول
وساعة الخطر رهوان
ولا أسرع الخيول
موش بقول لك
احنا بتوع كلام
بس مااحنش ديول
دايما لينا مكان محجوز
وبنتصدّر المشاهد
دايما علطول
تقول مصالح
تقول فلول
موش القضية
القضية ازاى
تقنع الحمار
انه أسد بشوية
كلام معسول
ويزور الهرم وتقول له
انت ف الأصل أبو الهول
واعلام للفكرة يهلل
ويصدقوا شعب جهول
شعب طيب يهزأ الباشا
ويخاف من عسكرى أو صول
الشاعر/عبدالجوادخاطر
ليست هناك تعليقات:
إرسال تعليق