إسألوني
بقلم الشاعر حسين الديب
إسألوني عن عيونه
إسألوني عن غرامه**
إسألوني عن سكاته
إسألوني عن كلامه**
إسألوني عن وداده
إسألوني عن خصامه**
--------
إسألوني أصلي عارفه
وحافظ كل حاجة فيه**
من غير ما أشوفه قلبي حاسه
وعارف هوا يقصد إيه**
عارف منه كل مشاعره
و الشوق في قلبه و مداريه**
وعارف لوسألت قلبي
هيقولي دايب وبموت فيه**
--------
عيوني إللي دايبة في غرامه
وقلبي إللي حاسس بكلامه**
ونفسي إللي سارحة في هيامه
والشوق في قلبي و مداريه**
كل الكلام إللي ف عيني
ومشاعر مابين قلبه و بيني**
وحاجات كتير بتخليني
اقوله دايب و بموت فيه**
--------
إسألوني عنه تاني
ألف مرة و إسألوني **
هوا دا سلطان زماني
هوا دا أسرار شجوني**
هوا دا فرحة فؤادي
هوا دا نور عيوني**
*****إسألوني****
؛؛؛؛ شكرا ؛؛؛؛
الأربعاء 2 مارس 2016
ليست هناك تعليقات:
إرسال تعليق