ايه اللى جرى يا دنيا
...........................
ايه اللى جرى يا دنيا
الحلو مالوش حظ
و اللى وسخ من جوه
و غليظ و فظ
تعشقيه يا دنيا
و تقبلى منه أى لفظ
يا دنيا يا قليلة الأدب
تبيعينى بشوية دهب
و تقبلى يا دنيا تتهانى
و الاسم جواز و تهانى
فين الإخلاص و التفانى
و الله واحد مالوش تانى
قبلتى يا دنيا القبيحة
يتقالك يا زانية صريحة
و كل يوم علقة و طريحة
قبلتى يا دنيا الفضيحة
و عايشه يا دنيا و راضية
و لو إداكى القاضية
صحيح دنيا فاضية
و الاسم ف حياتى ماضية
أهو مضاكى على كام ورق
ع العفش و الدهب و الحلق
و عشتى يا دنيا فى قلق
و قلبك يا دنيا انحرق
و كل دا معاكى ما فرق
و تقولى ما عاش و لا انخلق
و برضاكى وقعتى ف غرقة
و برضاكى ورمتى و زرقة
يا دنيا طمعتى و طماعة
و دلوقتى طلعتى بشماعة
و راضية مهما قال عنك كم إشاعة
و سامعة و تفولى عايزه سماعة
يا دنيا فضيحتك إذاعة
يا دنيا فضيحتك بجلاجل
و اللى قبلتيه ما طلعشى راجل
مالو الفول و الفلافل
مالو الطيب اللى بيعافر
خدتى الدنيا اللى بيسافر
و فى النهاية طلع سافل
و طفحك الكوته يا دنيا
و باعك ع النوته فى ثانيه
...........................................
بقلم/محمد أبوالمعاطى
ليست هناك تعليقات:
إرسال تعليق