قمر الليل بيندهنى( الحاصله على المركز الاول عاميه )
===========
بقلم الشاعرالمصري /احمد ابراهيم
=================
قمر الليل بيندهنى
وانا وياه بعيش واسهر
وسحر جماله يخطفنى
ولا على بعده انا بقدر
بعيش الليل على ضيه
ولا بغيرو انا بحلم
يا بدر الليل انا سهران
عليك بنده وجوايه الحنين ينده
وليك يا قمرى انا بعشق
تمر الثانيه والتانيه
وانا سهران وفيك بسرح
ومتشوق يابدر جميل
هنا طالل بضى جميل
على وردى اللى بيك يطرح
عبير الورد فى وجودك
رسمت البسمه فى عيونى
وبيك بفرح
ياريت الليل هنا يسكن
فى عيونى ولا يروّح
ياريت تسكن فى احلامى
تعيش عمرى
على قلبى على حبى هنا تنوّر
واعشلك باقى ايامى
يا بدر جميل يا شهد الورد والعنبر
تغيب روحى يغيب عمرى
لكن بعدك فى ثانيه
عليا مش هقدر
لآنك ليا كنت نصيب
واغلى حبيب ومتقدر
ولسه حياتى بيكى عمرى
سنين وياك انا هسهر
على بعدك فى ثانيه
ياعمرى ما هقدر
يا قمر الليل انا وياك
هاعيش واحلام وبيك هسهر
=================
بقلم الشاعرالمصري/احمد ابراهيم
=================
بقلم الشاعرالمصري/احمد ابراهيم
ليست هناك تعليقات:
إرسال تعليق