زمن فيه العجايب للشاعر // على عبد الرازق

قصيده للشاعر // على عبد الرازق صالح احمد
المعصره / الفتح اسيوط
============================
زمن فيه العجايب
لا.. فيه معيوب وعايب
لا رحموا فيه صغير
والا وقروا اللي شايب
معاك فلوس ياخالي
هتلاقي اللي يحبك
وهطوول فــ الحب نايب
إما لوكنت فقري
والله لو كنت عالم
هيلعنوا سلسفينك
ومهما تبقي حاضر
هينكروك ويكتبوا
عند اسمك انه غايب
زمن فيه العجايب
هتصلي او تصوم
هتبقى وش شوم
فقري وهيبقى شكلك
وش الغراب وبوم
وآه لو كنت شارب
هيقولوا عليك محارب
عامل دماغ مصحصح
ويقولوا عليك مبحبح
ومش متعوس وخايب
زمن فيه العجايب
==============
بقلمي / على عبد الرازق صالح احمد