مش بإيدي أبعد و أنساكي
ولا حتى يوم أنسي هواكي
أنا قلبي عاش يتمناكي
وأستني يوم فيه ألقاكي
و أنول حبك و رضاكي
لكن .....
شايف عينيكي لغيري بتقرب
أحزن عليكي و من حبك أهرب
حاولت أعيش مع غيرك قلت أجرب
لقيتني في بعادك القلب بيتعب
ليه .....
ليه كل ما أحاول منك أقرب
ألاقى في عينيكي كلام يتعب
أسمع سؤال وجواب أصعب
إنتي ...
إنتي الحبيبة يا روح الروح
و القلب من بعدك مجروح
ياللي هواكي يرد الروح
نفسي أكون حبيب الروح
و عارف .....
عارف قلبك بغيري مشغول
و الحب ما بينكم موصول
لكن بيني وبين نفسي بقول
تحب غيري و تنساني مش معقول
لو كنت .....
لو كنت أعرف أتغزل فيكي
لكنت وصفت إحساسي بيكي
وشوقي ولهفتي لنظرة عينيكي
و سهري في ليلى أنادي عليكي
يمكن .....
يمكن كنتي تحسي بحالي
وترحميني من لوم عزالي
وتحققي كل أمالي
نفسي قلبك يصفالي
يا ريت .....
ياريت بجد أكون واهم
ولإحساسك مش فاهم
أتمنى نصفي ونتفاهم
*****مش بإيدي*****
بقلمي/عبيد رياض محمد
عبيد آل حريقه
ليست هناك تعليقات:
إرسال تعليق