شطرنج: بقلم الشاعر / مصطفى المحمدى

شطرنج:

دا دور وداير
والعساكر خطوه واحده
زيهم زى الملك
لاكن الوزير
بيلف زى الزمبلك

مربعات وصفوف كتير
قوانين بتمشى على الأمير
قبل الفقير
وكله سكه واحده
طبعا ألا الوزير
خطواته سككها سالكه
وتشوفه ملوش كبير

لو يلعب الأمير
مره ويا الفقير

هتشوف اميرنا عينه
بتنشل على الوزير

وفقيرنا كل حلمه
ان كان طابيه ولا فيل

لو حابب تكسب فيها
لازم تخسر كتير

متيجى نشوف الخساره
عسكرى رهن الإشاره
بيطلع خطوتين
ودا أمر من الإداراه
هيقبله فيل سمين
يتمشى خطوتين
ويرجع ماسك سيجاره

وتزيد التضحيات
وتضحى من سكات
وتشوف حصان يموت
وطابيه زكريات
ووزير واقف وطابيه
بتخنق فى الملك
هيخطى خطوه واحده
وخلاص مات من سكات
وصبحت الضحيه
فى عداد الزكريات