. غصب عنى . بقلم شريف رستم .

. غصب عنى !!!..................
... غصب عنى مش بخطرى ..
... لازم ابعد لازم امشى ...
... ايوة عارف انك حبيبتى ...
... دانتى عمرى وحتة منى ...
...انا همشى:علشان لازم انسى ..
... انك فى يوم كنتى حبيبتى ...
... مع ان دا شىء مستحيل ...
... والقلب من غيرك عليل ...
... وكل يوم نهار وليل ...
... دمع قلبى قبل عينى ...
... كل دمعة بتناديكى ...
...بس اعمل اية غصب عنى ...
... عارفه لية انا عاوز امشى ...
... اتغيرتى وماتكدبيش ؟؟
.... عينك فى عينى وماتدريش ..
.... فين حبيبتى بتاعة زمان ...
... الى كان فى عنيها الامان ...
....حتى كلامك بلسان ....
... راح من طرفة الحنان ...
... حبيبتى كانت بتخاف عليا ...
... ولا عمرى شفت منها اسية ...
...وكل يوم صبح وعشية ...
... تتصل تسأل عليا .....
...حتى الكلام الى كان كتير ...
...دلوقتى يادوب كلمتين ...
...راحت الايام والسنين ...
... الى كنتى بتقولى عليها ..
... هى دى احلى السنين ...
... ودلوقتى ايه !!؟؟
... دلوقتى مشغولة عنى !!
... حتى مش فاضية ترنى ؟؟
...ونسيتى كل الى فات ...
... ونسيتى حتى الامانى والتمنى ..
... بس انا مش هرضى ...
...بنص حب .. بنص قلب ...
... ولما تألت وسألت ...
... كلمة واحدة رديتى بيها ...
... قلتى بس : ( غصب عنى )
... بقلم شريف رستم ..
... 11 / 2016