((مات الكلام))
------------------
ممكن سؤال واللا الوجع
هزيد وجع
خايف اتكلم اتوجع
والقلب يصرخ من الوجع
هو الكلام مات الإنسانية ماتت
ما فضلش ليناغير ضعفنا وحبة سكات
دم الشهيد بقي ذكره حلوه من الذكريات
ضاع في الميدان مع حبة حجات
حتي ضاع صوت النباح
ايه اللي فاضل حبة نواح
حلم انكسر أيوه انسكر
والحلو في عمري كله راح
مات الكلام من الكلام
والتلج من حرارة الحزن ساح
الكل يسرق ويتغني من غير كفاح
أنا قلت ضوء الشمس جانا بالأفراح
طلع النهار ما طلعش عندي غير الجراح
عرفتوا إيه عرفتوا غيركسرة حلمنا
عرفتوا إن القوة اللي جواناهي ضعفنا
أيوه أنا ما بقتش أنا
إحنا بس حبة كلام
في الحواري تحت السلالم والسلام
أول ما تتمد الإيدين علينا ندّي التمام
ندّي التحية بالتعظيم والإحترام.
.........
... بقلم .. * محمود فرج. *
*****************
ليست هناك تعليقات:
إرسال تعليق