الحياه حلوه جميله بقلم سعيد عبد القادر السيد

الخميس : 16/6/2016
الساعه : 5،49 مساءآ
$ سعيد عبد القادر السيد $
* عاميه *
# كنت فاكر #

كنت فاكر
إن الحياه حلوه جميله
كنت فاكر
إن الأه دايما قصيره
كنت فاكر
إن السعاده أيام طويله
كنت فاكر
إن البشر دول مش وحوش
دول قلب طيب
يحبو بعض ما يجرحوش
لكن فجأه
لقيت قلوب ما يرحموش
كنت فاكر
إن الطيابه ده شئ جميل
و إن المحبه
حبه حبه تشفي العليل
و بالموده
راح نجيب المستحيل
كنت فاكر
لقيت الطيابه
يقولو صاحبها إنسان عبيط
دية خيابه
مش شطاره دي لخبطيط
إن مش عجبك
اخبط راسك أه في الحيط
كنت فاكر
ذي زمان الحب بينا مالي الكيان
اللقمه اقسمها
اديها صاحبي و أبن الجيران
لكن خلاص
ما عدش فيه حب و حنان
اتاريني بحلم
بزمان ده ولى من زمان
كنت فاكر

$$$كلمات
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد