يا غزالي
~~~~~
شاغل بالي معاك يا غزالي
يا محيراني إيه اللي جرا لي
لما بتبعد عني و تمشي
لآء مقدرشي ارجع تاني
مرة تقرب أكتر مني
و مرة تروح و تغير حالي
أجري وراك و ألف الدنيا
كل دقيقة معاك تحلالي
قلبي دايب فيك من همي
و أفتح أيدي أضم خيالي
و ارسم صورة بشكل ملامحك
صورة رسمها و صورهالي
قلبي اللي بتبعد و يسامحك
يمسح جرحك و يقول غالي
اسأل ليل الشوق السارح
و نجمة في حضن السما بتلالي
بتقول بكره أو في أمبارح
بغزل خيط الشوق طوالي
مهما تزعل أو تخاصمني
و أسهر أعد لوحدي ليالي
و أشوف طيفك و يكمني
و افضل أفكر فيك مش داري
حبي في قلبي و شوق ملازمني
بيطمني عليك يا غزالي
~~~~~~~~~~~~~
بقلم / رمضان العلالقة
ليست هناك تعليقات:
إرسال تعليق