صباحين و نسمة هوابقلم \ محمد العربى

طشاش 
صباحين و نسمة هوا 
عالحاره و الحته 
دنا لسه شايف طشاش 
و رموشى كسكيته 
و كلامكو ذيى الرصاص
بيعدى فى الجته
و الحلَه عاوزه الغطا
ياخواننا مش فتَه
و القلَه متزوَقه
و عطشانه للمايه
و انا قلبى م اللغبطه
واقع فى رجليَه
و ايديا متشعبطه
على حتتين لييا
و الحق عالجزار
اللى دبح فييا
صباحين و حبة دلع
عاللى خلع منَى
لو كنت راجل جدع
كنت اشتريت منَى
لبستنى المريله
و انت اللى متغمى
دلو قتى جاى تشتكى
يا خيبتك البنى
بقلمى \ محمد العربى