الاثنين، 13 يونيو 2016

... والحياة زى الرحايه بقلم ... احمدعامر ..

................. والحياة زى الرحايه ............................
امى قالت بص يابنى
راحه اقـــــــــــــــولك كلمتين
الحياه زى الرحايه
دايره واحــــــــــــده بجبهتين
جبهه فيها للى عالى
وجبهه لمــــــــــه المحتاجين
واما يجى الدور وتعلا
بص تحتــــــــــــــــك مرتين
مره تحمد فيها ربك
ومره تعطى المحتــــــــاجين
واما يجى الدور وتنزل
بص فوقـــــــــــــــك مرتين
مره تشكر فيها ربك
ومره تسجــــــــد سجدتين
سجده شكر للى خلقك
وسجده تطـلــــــب رحمتين
رحمه من ظلم اللى ظالم
وسجــــــــــــــده لله المعين
تلقى نفسك ويا نفسك
والحيــــــــــاه مش بالسنين
الحياه بالحب تحلا
والحـــــــــــــــلال للطيبين
والحياة ساعه وتخلص
والنجـــــــــــــــاة للشقاينين
قولت ياما النفس ضيمه
والحيــــــــــــــاه مش مرتين
نفسى اعيشها طول وعرض
ابقى عايش بالعلالى
والنهـــــــــايه تراب بارض
قـــــالت امى ياضنايا
فيه تراب بالارض صالح
تزرعه بكــــــــــل الزروع
وتراب بالارض طــالح
تزرعه ومفيــــــش زروع
خلى جســـــمك بترابه
شىء وصـــــــــــالح للعباد
واللى عايش بالحرام
قبل مــــــــوته ترابه مات
اصل عايش بالحرام
والحرام بعــــــــــــناده ذاد
واللى زيه النار نهايته
حتى سيرته قطـــــر فات
واحنا يابنى مسلمين
نكتـــــــــنز للعمــــــر زاد
والنهايه لك طريق
اماجنـه تعيش وتبقى
اوبنار مفهــــــــــاش فتات
قمت بوست ايديها مره
وبوست راسهــــــا مرتين
اصل امى الحبيبه
حصنتـــــــــــنى بكلمتين
الحياة زى الرحــايه
دايره واحـــــــده بجبهتين
يرحمك ربى ياغاليه
الف مـــــــــــــره ومرتين
......................... احمدعامر ...........................
ننوه ان ماينشر حق مسجل بالهيئات المنوطه بذلك 1145410/2016 س م ب
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)