كان نفسي أصرخ
حـســــــن زايـــــــــــد
****************
تجري بخفة غزال شارد
قدام عينيا
بين الحشايش والورود
ما بين ايديا
تلمحك عيني بتجري
بين السحاب
من عينيك وسهمها
القلب داب
جمال عيونك يبتسم
تتفتح الأبواب
القلب جرحه يلتئم
من غير عذاب
***********
همسة شفايفك همستك
تملا قلبي بالحنين
اسمع نداها جوا جوايا
بيجري فيا من سنين
ضحكتك رنة سعادة
تسعد القلب الحزين
فرحة في مجري الدم
تجري ما لها من طنين
تسري ما بين المسام
من غيرألم من غير آنين
همستك فرحة بطرحه
تغطي عمري والسنين
*************
شعرك علي كتفك
يداعب فرحتي
ليله يهفهف في الهوي
والفجر منه ما لاح
نور الخدود يضوي
ما بين لياليه
شقشقة بسمة عيونك
أزهرت نور الصباح
ليه كنت عايزه
تمنعيني من الصراخ
كان نفسي تصرخ
فرحتي من بهجتي
كان نفسي القلب
يضحك بانشراح
***********
حـســن زايـــــد
***********
ليست هناك تعليقات:
إرسال تعليق