يارحلة العُمر بقلم محمد سالم

يارحلة العُمر السماح
***********************
وإن كان على القلب إنجرح ونبضه زاد وسط النواح
ببكى على أسوة زمن ولا على الخير اللى راح
من غير أمل وسنين ملل والخوف سلاح

أزمة نفوس نفس التروس والغدر ليها شئ مباح
ويفوت عليك شر البشر بالظلم حى على الكفاح
تكتب عليك حزن وألم ويختفى كل البراح

بطريق يضيق والموت جرئ بيداوى فيك كل الجراح
ياخد بإيدك للعدم زى الطيور من غير جناح
يا أسوة الليل إرحلى يا رحلة العُمر السماح
محمد سالم