.((( فاكر حبيبى )))
****************************
فاكر زمان
كنا بنتقابل هنا
لسه المكان
فاكر كلام
أول لقا
لسه المكان
فاكر حنان
ضمة ايدينا
وحلمنا
جذع الشجر
احلى مكان
بيضمنا
أوراق تضلل
فوق عنينا
عن ناس كتير
بتخبى قصة
حبنا
وكلام نعيده
ونسمعه
وف كل مره
نرجعه
من بين شفايف
تحضنه
وايدين بترسم
ع الشجر
قلبى أنا
قلبك كمان
بيحضنه
سهم الهوى
بشويش
شبكهم بالهوى
فات اللى فات
من ذكريات
واحنا سوى
عدى الزمان بيا
ولقيت
نفسى هنا
انا لسه شايفك
من بعيد
بتشاورى جايَّه
قبل الكلام
شُفتك نسيت
شوق الانتظار
مديت ايديا
تحضن ايديكى
وتلمسك
ما لقيتشى غير
حبة هوا
ولقيتنى فاكر
يا ترى
انتَ كمان فاكر
زمان عهد الهوى
************************************
شاعر الشباب / أشرف فؤاد السمادونى
ليست هناك تعليقات:
إرسال تعليق