اللي باقي م البلاد بقلم سيد صادق

اللي باقي م البلاد ..
و هيبقى ورث للولاد ..
لب ( سوري ) و فول ( سوداني )
و ف اليمن مليون شنب ..
باعوا نصيبهم م العنب .. 
كله مجني وكله جاني
ومين صح ومين فلح .. ؟!
مين خسر ومين نجح .. ؟!
دي الشام لو تزرع بلح ..
يطلع بارود في ثواني !!
كله مجني وكله جاني
متلغبطين و اللغبطه ..
بتشدنا لأبعد بعيد ..
التوهه كشفت سترها ..
غوله و ليها الف ايد ..
خدنا خلاص ع المرمطه ..
و التكبيرات مش جايبه عيد !!!
قلوب وحوش من غير عقول
و الحمل زود ف الحمول ..
الهوجه دي هوجه مغول ..
يا رب اكفينا شرها ...
بلاش نعاني .
كله مجني وكله جاني

سيد صادق