دقة نقص .بقلم علاء زايد

دقة نقص
............
ما تزعلش
من دقة نقص
جاتلك من حد
قليل الاصل
واتعلم
تحرس
ولا تخونش
وما تزعلش
منك حد

ما تزعلش
من دقة نقص
الي في عيون الناس
من كتر الدمع
بيخلينا ما نعرفش
مين ما حبناش
واتمنالنا الجرح
ومين حبنا
واتمنالنا الفرح
ومين الاخلاص
من قلبه لسه ماراحش

ما تزعلش
من دقة نقص
ياما ناس
اتعودوا ع الرقص
وبالاخص
الاندال
الي
ما صانوش
العيش
والملح
انساهم
وادعي
عليهم
في كل فرض
الي ظلموك
من غير ذنب

ما تزعلش
من دقة نقص
هتعيش
وتشوف
في الدنيادي ياما
لو فيها مشيت
وسافرت

هتقابل ناس
تفوق الوصف
وناس
ع الشمال
ما تسواش صفر
ما تزعلش
من دقة نقص
خليك بحر
اشتري ما تبيعش
و متبقاش
علي ندل
باعك علشان قرش
حرام المشي معاه
ما يشرفكش
في اي مكان
ع الارض
ودايما ينكر الفضل
ويشتكي من الفقر

....................
علاء زايد
موثقه