مش راضي
يحلو كاسي ........
مش راضي
يحلو كاسي
ومفيش جديد
في حياتي
وبتجري السنين
وانا واقف
في مكاني
مش ماشي
مستني الزمن
يحلالي
ويدق الامل
علي بابي
مش راضي يحلو كاسي
بكبر وحلمي بيصغر
ولا حلم من احلامي اتحقق
ويظهر
عليا
هيبقا دا حالي
وحظي بين ايامي
لو ليا عمر تاني باقي
في زماني
مش راضي
يحلو كاسي
وليلاتي
تقتلني ذكرياتي
وتسجني اشواقي
و
اسهر
لغاية ما يطلع
عليا نهاري
ابكي
و اعد اهاتي
واملا بدموعي كاساتي
واشرب
واملا لنفسي تاني
من مراري
مش راضي
يحلو كاسي
انا ذكريات من الماضي
انا حبة حروف في سطور
في جواب احبابي
انا كل الاحزان جوايا
انا مجروح مش لاقي دوايا
وماتت فيا الضحكه
لكن عايشه
في كل حته فيا
جراحي
وتاه عنوان افراحي
عن بالي
وغير الدمعه
ما بلقاشي
مش راضي
يحلو كاسي
...............
علاء زايد
موثقه
من ديواني
ليست هناك تعليقات:
إرسال تعليق