...... وقت م اشتاقلك .......
وكل يا أملى م اشتاقلك
أقول الشعر ف عنيكى
وأوصف حالى من قبلك
وحالى إيه صبح بيكى
أغمض عينى وبقلبى
أحسك يا هَنا قلبى
ترفرف روحى م النشوى
وافتْح عينى ألاقيكى
حقيقة واضحة قدامى
..........................
حياتى الجاية والأيام
وعِلمى بجنة الأحلام
بحبك كلمة مش نافعة
ولآ تِكفى لحتى سلام
ولو هافضل سنين عمرى
أقولهالك يا نور عمرى
دا إنتى يا إنتى يلزمْلك
جديد والله حقيقى كلام
عشانك بس يا غرامى
..........................
منايا لما أشتاقلك
أشوفك برضه مشتاقة
وقبل بلحظة م اندهلك
بتيجى لحضنى محتاجة
ترُشى البسمة على فمى
يا وارثة القلب عن أمى
تدومى لقلبى دقاته
ياكل ما ليا من حاجة
وجودى أغلى أنغامى
..........................
# كيمو #
ليست هناك تعليقات:
إرسال تعليق