وطنى الجريح
..........................
معلش يا وطنى الجريح ..!
مايصح .. غير القول صريح
أصل اللى فينا عاش جريح
من كتر ما مدحنا الضريح
سكان ضريحك .. يا وطن
باعو العفن .. خسروا الرهان
ولملموا صوت الوهن
وحسسونا الإنكسار ..!
وف صوت جبان ..
صبحنا أشلاء من وطن ..
مالهوش أماااان ..!
معلش يا وطنى الجريح ..!
كان فى أحتملنا .. نحتمل
ويكتمل فينا النهار ..!
طلع النهار ..
الصبح خزلان م الأمل
واتبدل القول الصحيح
معلش يا وطنى الجريح ..!
...................
فارس الكلمة ..
حسن السحماوى ..
ليست هناك تعليقات:
إرسال تعليق