صاحب قصص بقلم حسن المصرى

سيدك دا صاحب قصص
اصلو كان ف الاصل
حرس الشرف ف العسس
سيدك بيحب يحكى ويتحاكى ف سيرتو
وانت عليك السمع والطاعة
تنفيذ اوامرو
ولو حتى كان الامر
انك تشرب سبرتو
اهو كلو ف حب الوطن
ان كنت راجل وطنى
تموت ف نعش وكفن
وكمان
ملفوف
من جوة يافتة وعلم
سيدك لما يتكلم
اوعى ف مرة تقاطعو
احسن دا يزعل منك
وزعلو ف ميزانو
عدل
سبحانو
جلا وحاشى وجل
ميزانو ما يختل
هتلاقى روحك برة
وكانك ف يوم الحشر
وانتى مادارى

ان كنت عايش تانى
والا هتتشل
.... ..............
ياسيدنا ياللى انت فاكر
ف روحك
انك
الة
بكرا القوما تقوملك
وتزيحك ف قرافة الغزاة
ياسيدنا
عمرك ما تكسر ف يوم ارادتنا
دوعانا راح للسما
من يوم ولادتنا
اننا نفضل اننا
ارادة وعزيمة
وصوتنا يفضل عالى

تروح وتيجى
تعمل طبيب
او تعمل الفخرانى
صوتك ولا يهمنا
لاننا.......
احنا الجدور
وهنفضل .....
....
وانت والحاشية الشواشى
ياسيدنا
بكرا قيامتك
لابد حتما قايمة
الصحبة فينا وبينا
عزيمة
عمرها ما هتتمزع
والعزة لينا وفينا
عمرها ماهتركع
ودايما الخوف هيجرى
والصورة دايما لينا
متجمعين
ولربك وحدو هنركع
الصورة .....
هتفضل زاهية

وعمرها
ما هتتقطع