-ولا عمرى أنساك-- بقلم الشاعر عبدالجوادخاطر

------------ولا عمرى أنساك---------------------
أنا نسيتك
أنا ال بعمرى
بعت الدنيا
وبيه كمان
اشتريتك
ياعمرى أنا الشارى
وانت اختيارى
وأنا ال سكنت السما
وانت القمر جارى
ولا عمرى أنساك
أنا نسيتك ولا عمرى أنساك
لسه كلامك جوايا بيتردّد
وبصّت عنيك ولحظك بيسّدد
وقلبى ونبضه عليك بيتشهّد
وشبابى ال بيك بيتجّدد
ورمشك كل ما قرّب يتبغدد
أنا نسيتك ولا عمرى أنساك
موش ممكن تكون عادى
أنت البسمة الوحيدة
من يوم ميلادى
فاكر سمعتك مره
على قلبى بتنادى
رد قلبك مكان فؤادى
تبقى عادى؟
الشاعر عبدالجوادخاطر