اتحداني استاذي بقلم الشاعر علاء زايد

اتحداني استاذي

اتحداني استاذي.............

اتحداني استاذي
الي بايده زمان رباني
بس فاجئني وجاني
حسسني ان انا جاني
وانتهازي

وبسهم الظلم رماني
وانا واقف في مكاني
قالي ان اتكلمت ف حقه
واني ما ردتش جمايله

وانه مصدق
الي قاله
ف غيابي
حكمه عليا
حكم غيابي
وسمعني كلام
في شقايقي
وفي جنابي
زعل مني اخواتي شقايقي
واهلي وناسي
وكل صحابي

وما صدقش كلامي
ولا صدق حلفاني
وقال ان الكدب عنواني
وكلامه
عكرلي مزاجي
وانا
بحر هادي وصافي

اعمل ايه
بس انا دلوقتي
ابكي
مين يرحم دمعاتي
يا زماني
ولا ارميه بسهامي
وهاكمل
من غيره ازاي ايامي
وعمري الباقي
مش دي اخلاقي
حاسس اني
خلاص مش لاقي
كياني
وان انا ما تعلمتش
حاجه ف حياتي
سمعني كلام
في شقايقي
وف جنابي
زعل مني اخواتي شقايقي
واهلي وناسي

اتحداني استاذي

وفيه عمال اراضي
وبيفتحلي
جراح الماضي

وانا ساكت
وبكز علي نيابي
هيا بقت
للدرجادي
ربنا بس
يثبت عقلي
ف راسي
وشيطاني
ما يصحاشي
لا هتبقا
طويله الليلادي

اصل انا

خايف
خوفي علي كرامتي
ينسيني
انك استاذي
الي بايديه رباني

عايزني فيك ادادي
واقولك
معلشي
سماح المرادي
مش عامل كدا تاني

هوا انا لسه
في ابتدائي
رجائي
ما تبصليش
البصادي
وانت قاعد قصادي
انا طول عمري
لساني حصاني
والناس كلها عرفاني

اناماشي
ورافع راسي

وبكره
هتسبتلك افعالي
والدنيادي
ان انت
اتسببت
ف احزاني
وعذابي
وكسرت جناحي
وعكازي

يا استاذي
الغالي

.........
علاء زايد