إنزل بحر بقلم الشاعر محمد سالم

إنزل بحر
******************
كتف نفسك وإنزل بحر
وإلبس توب الخوف والقهر
وإفتح عينك شوف السحر

حس بناس عايشين على البر
ولا يوم فارق بيتهم شر
داقوا مرار الجوع والفقر

وإنت جنابك دافع مهر
شارى بمالك سد ونهر
تحسب عمرك يطلع شهر

وإحنا العمر سرقنا ومر
وسط الزحمة قلب ممر
تلقى عيونا كاشفه السر

قلب زمان غدار بيمر
وإنت جنابك عامل حر
فينا الظالم واللى إتغر
واللى نهايته كانت قبر
محمد سالم