***** وحشتينـــى ***** بقلم الشاعر سيد الدابى

***** وحشتينـــى *****
وحشتينى ومشتاقلك
وطال عذابى فى بعدك
وانا قاعد قصاد صورتك
أملّى عينيه من سحرك
واتذكر ايامنا الحلوه
اللى عشناها سوا
بين الورد والأزهار
كما العصافير بين الاغصان
ولما حفرنا أسامينا
جوه قلوب على الاشجار
وحضن أيديّا لايديكى
وقعدتنا على الكورنيش
ويسعدنا الليل بوصاله
والقمر على وش الميه
يخطفنا بسحره وجماله
وأول نظرة لعينيكى سحرتنى
شفت حلاوة الدنيا فى عينيه
ولحظة حلوة فى حضن الشوق
وبوسة على خد القمر سكر
وعلى الشفه شهد مكرر
ودقات قلبى لهواكى
خلتنى احب الدنيا واهواكى
وارجع للحياو واعيش
وفى بعدك ادوق العذاب واتألم
من شوقى ولهفتى عليكى
أشوفك واقفة قدامى
قصاد عينى تشاورى لى
أقوم أجرى على طيفك
فى نص السكة يتوه منى
وتموت الفرحة جوّايّا
******************
انا حبيتك ومش دارى
ولا قادر اصدق نفسى
انى بحبك للدرجة دى
وبعدك عنى يعذبنى
ويهجرنى النوم ويسهرنى
يرجعنى لشوقى وعذابى
واشكى لروحى حيرة قلبى
وهجرك لىّ وجروحى
وساعات اسهر ليلى
اتهجأ حروف اسمك
احفرها فى قلبى
الف مرة من تانى
واغنيها غنوة شوق
على لسانى
واقول للقمرة
حبيبتى يا قمره وحشانى
وساعات احلم بيكى واتخيل
اشوف طيفك بيضحك لى
اقول حبيبتى لسه فكرانى
واعيش الفرحة من قلبى
وفجأة يغيب طيفك ويهجرنى
يخطفنى الخوف كما اللحظة
ورعشة قلبى زلزال
يهد كيانى واتحول
يسرق فرحتى منى
ويرجع حزنى فى ثوانى
واشتاق لك واتمنى
يعود الزمن بينا من الاول
وتعودى لىّ من تانى
وحشتينــى
******************
بقلم الشاعر // سيــد الدابــى
حقوق الملكية والنشر محفوظة