.. فاقد الذاكرة بقلم ..إسلام عامر

..إسلام عامر ..... فاقد الذاكرة
فاقد الذاكرة مش عارف أنا مين 
لقيت نفسي فى غرفة الانعاش
ببكي وقلبي حزين
جسمي كله معدوم الحركة
جوة الجبس محبوس
ناس كتيرة كانت حواليا
منهم اللي بيبكي عليا
ويتعاتبوا ويتحاسبوا
ويتخانئوا
مين السبب فى اللي جرى ليا
ومن كتر الوجع صرخت
بأعلى صوت فيا
كفاية حرام عليكم
أنا كنت لمين فيكم ضحية
بدأوا يعرفوني بنفسهم
ويوروني صوري معاهم كلهم
صرخت تانى وقلت
الناس دي انا معرفهاش
نزف الجرح فيا
جه الطبيب يكشف عليا
قال لهم حالته خطر
ومنعهم من الزيارة تانى ليا
ربنا كتب له عمر جديد وعاش
ادوني فرصة اعالجه
وترجع له ذاكرته
لوكنتوا بتحبوه
امشوا وسيبوه
عشان ربنا يشفية
مشيوا وسابوني لوحدي
وسابوا لي صور الذكريات
مافتكرتش حاجة منها خالص
ولا لحظة واحدة
من الماضي اللي فات
مافتكرتش غير
حاجة واحدة كنت بحسها
صورة منحوتة جوة قلبي
لانسانة كنت بحبها
رسمت صورتها على الجبس
أول ما ايدي اتحركت
مع اني
مش فاكر عنوانها واسمها
يامين يروح يقول لها
اني كتير محتاج لها
ودوايا فى قربي منها
هية الوحيدة اللي فاكرها
من الناس والدنيا كلها
عشان قلبي معاها
واحساسي وروحي
عندها
فاقد الذاكرة
مش عارف أنا مين
لقيت نفسي
في غرفة الانعاش
ببكي وقلبي حزين
فاقد الذاكرة
مملكة الأحزان
إسلام السيد حسن
السيد سالم
عامر