قصيدة { بلدي السويس الباسله }
للدكتور/خالد عبدالحميد خربوش
مُهداه إلى محافظة السويس وأبطالها
……………………………………………………………
بلدي السويس رمز البطوله الخالده
لـ مدن قنالنا الغاليه هي الوالده
وسط الجواهر أصلي مش متقلده
تملا روايات بكفاح ولادها اللي عاشوه
*********************************
قاومت ووقفت ضد ظلم الإحتلال
بريطاني كان واللا إسرائيلي على القنال
أولادها نشأوا بيعشقوا ساحة النضال
رغم الدمار اللي قاسوه وكمان شافوه
**********************************
أحياءها خمسه وهُمَّا يمكن يقصدوا
علشان يكونوا تمللي في وش العدو
فيصل،عتاقه،والجناين..يشهدوا
وحيّ السويس والأربعين ع اللي عانوه
***********************************
ع البحر الاحمر فيه ميناء بحري لها
وكمان ميناء بري في صحراء أرضها
قلعة دفاعنا عن الوطن طول عمرها
في شرق مصر......وجوَّها كتير يعشقوه
**********************************
حافظ سلامه والغزالي..كمان إيمان
تعبوا العدو في كل شبر من المكان
بطولات رموزها كان الجرس ويَّا الآدان
دابوا في بعض عشان سويسنا يحرروه
٠•••••••••••••••••••••••••••••••••••••••••••••
الدكتور/
خالد عبدالحميد خربوش
خالد عبدالحميد خربوش
من ديواني المعنون:
عهد جديد
ليست هناك تعليقات:
إرسال تعليق