مش قادرة أصلب طولي
ولا قادرة أفرد إيديا
حاسة إني متكتفة.
أسيرة..
جــوّه قفص ضلمة.
متعلقة بين السما والأرض
في خيوط عنكبوت القدر.
بردانه.. تعبانه!
ممزقه.. مهزومة!
إيه سبب ضعفي؟!
مين جابني هنا؟!
ليه أنا؟!
وليه مش باثور
ولا عايزة ولا قادرة؟!
إني أصرخ وأقول
أسئلة..
عاملة دوامة جوه راسي،
وبتخبط في أركان عقلي..
اللي متكسر ميت حتة..،
وكل حتة في إتجاه.
محتاجة مغناطيس يلملمني!
صدمة كهربائية تلمس قلبي..
ترجــّعـُـه يدق تاني.
محتاجة لطوق..
يجيب روحي اللي غرقانة.
محتاجة لإيد تداوي إحساسي
بينزف على بوابة الموت.
محتاجة كفن لقلب بيموت
محتاجةايد تمد لي بالرحمة
محتاجة!محتاجة..محتاجة
أسئلة.. ومفيش إجابات،
ولا نهايات للحيرة.
مليون حاجة ناقصة،
وبتفكرني إني..
ضعيفة!!
وضعفي لاحب وﻻغرام
وﻻ اني ضحية
ضعفي من كدب الناس
وغدر البشرية
يارب إرحمني من ضعفي
وضعف النفسية
بقلمي رانيا محمود
ليست هناك تعليقات:
إرسال تعليق