يا سهــارى العشــق قـومــوا
************************
لما جالي البدر قال لي افتحي
قومي ياللي نور طلتك
تشبة حياتي
والنجوم غيرانه منك
ما انت قدك زى شجرة
ومشيتك تزلزل قلوب
لون عنيكى أصله توب
بيدفى روحى
ولا شعرك هفهفة نسيم بغصون
بينور جناين
فيها كل الحب ساكن
يا حبيبى
ضحكتك هلة ربيع
رقتك زى الخمايل
والدموع
لما تبقى بحب واسع
تملكه وقت القلوع
يا حبيبى روعتك ف الرمش جايز
روعتك لما ثغرك يبقى عايز
يدى بسمة بروح جميلة
يدى غنوة لروح عليلة
سيب خدودك لما اشوفها
تكون لى جنة
لما اعدى صراط نيرانها
أبقى عاشق
أبقى راشق
سهم فيه للحياة
يالله خدنى بحار عنيك
لو يجدف فيه قلبى
أتلاقيك
ما تلاقيش العين عساكر
خلى موجك يبقى صاحبى
لما اقول له كلام ف سره
مش يقوم فى لحظة منى
مستخبى
يا رموش الليل وضيه
ويا سهار ى العشق قوموا
مش تلوموا الحب خالص
هو فيه ف الدنيا زيه
طهر قلب ف حضرة شايفة
نور بيسرى ومش بصدفة
يالله نسرح كالسكارى
يالله نبنى اساس عمارة
فى الضلوع
ليه نخلى الدنيا خايفة
ليه نبيع
هو بدرالليل بيطلع
غير ما يشرب من ضيايا
أو سمايا
أو يشعلل موجة ضالة
فوق مسايا
أيوه كل الليل هايصحى
لما يصحى النور ف خده
لما يشكى الصبح ورده
ياحبيبى يا حبيبى
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عبيـــــر الجنــــــدي
همسات استثنائية
حقوق النشر محفوظة
ليست هناك تعليقات:
إرسال تعليق