اصعب شىء انك تكون مسجون
سجنك مش جوه حيطان وبيبان
سجن معلهوش قضبان
حتى كمان من غير سجان
سجنك جواك انت كا انسان
*****
لما تشوف الدنيا من حوليك
لملا تلاقى الناس باصه عليك
لما تلاقى شفايفهم ساكته
كلام جواهم تقراه عنيك
*******
لما تلاقى احزانك محبوسه جواك
عاوزه تفط و تخرج مش طايقاك
تعبت هى كمان من حبستها
ماهيه بقالها سنين عايشه معا ك
******
حتى الفرح نفسه منك مره يقرب
بس خايف جواك ومعاك يتغرب
شفت اذاى سجنك جواك
خلى كل شىء منك بتهرب
******
حتى الحلم جواك مكسور
محبوس جوه الف سور
متسلسل ب الف قفل وقفل
نفسه مره يشوف النور
*****
ما توجهشى ليه وعتاب ولا لوم
انا مش عاوز اعيش واغرق فى بحر هموم
انا عاوز اعيش حياتى هيه ذى ما هيه
فيها احزان وفيها افراح
من ده شويه ومن ده شويه
********
بس لما تلاقى حياتك مش بإيدك
وبيترسم لك طريق مش هايفيدك
الدنيا ذى ماهما عاوزينها
حكام بيرسموا ويخططوا حياتك
طفولتك احلامك حتى ذكرياتك
******
عيش ذى ما هما عاوزينك تعيش
الناس عندهم حياتهم ماتساويش
اهم حاجه هما وبس
والباقى عندهم خدام رعاه حرافيش
******
ولما ذاد الظلم قاد جوه القلوب بركان
ثار الشباب لما شاب قبل الاوان باوان
لما ميلاقيش فى افراحهم غير دوب السواد
كان لازم يجى يوم يحارب الظلم والغيان
*******
لما حلمك قبل ما يتولد بيموت
لما حياتك اودام عنيك بتفوت
لما تكون حياتك هيه تمن سُكاتك
يبقى كان لازم تصرخ
حتى لو ف صراخك موت
********
عشان تترسم بسمه على وجوه الولاد
عشان من تانى نعيد امجاد البلاد
عشان يجى يوم نحقق احلامنا
ونقول ان الحياه لسه جايه اودامنا
******
على حافظ
ليست هناك تعليقات:
إرسال تعليق