السبت، 24 أكتوبر 2015

يا ناس يا شر كفايه قر = بقلم الشاعر على عبد الرازق صالح احمد

=== يا ناس يا شر كفايه قر ====
قصيده للشاعر // على عبد الرازق صالح احمد
المعصره == الفتح == اسيوط == ت// 2402204 // 088
===============================
يا ناس يا شر كفايه قر
انا من عنيكم ملقيش مفر
وايامي حلوه .. الحلوه راحت
وانا وحبيبي بقيت فـــ مر
قريت كتابي وفتحت بابي
وكتبت فوقه يا ناس يا شر
============
يا ناس كفايه ايه الحكايه
عنيكو صابت حتى قفايا
ليه تحسدونا تعالوا وشفونا
ناس حبناهم راحوا وبعونا
وهان عليهم مشوا وسبونا
لا.. قالوا كلمه والا ودعونا
وحتى قلبي لا قدر يخبي
وعقلي فر . يا ناس ياشر
========
يا ناس عنيكوا صابوا حبايبي
قبل ما تيجوا دوول كانوا جنبي
عيون وصابت والله ما خابت
صبتني وصابت حتى قرايبي
وبكت عيوني وزاد جنوني
ومن ظنوني ما قدرت اخبي
عملت حجاب وقفلت باب
وقريت آيات من الكتاب
وعملت برضه الف حساب
وفــ النهايه السهم صاب
وقعدت اقول من غير شعور
يا نا س يا شر كفايه قر
يا ناس يا شر كفايه قر
============
قصيده بقلم الشاعر // على عبد الرازق صالح احمد
=============================
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)