خبطة شخبطة
-----------------.
لخبط لخبطه شخبط شخابيط
امسك طباشيرواكتب ع الحيط
الواد بن شولح بقى نمرود
وطول اليوم قاعد تنطيط
بيهد ويبنى ومش سائلين
ويقتل ناس ونقول ده عبيط
لخبط لخبطه شخبط شخابيط
امسك طباشير وأكتب ع الحيط
--------------.
الدم العربى بقى متهان
ونقول لا تهاون لا استسلام
ونذيع فى بيان ونقول فى كلام
عن عصر رخاء وعصر سلام
حكامنا راحت فى الاحلام
وبقينا فرجه فى كل مكان
دمرنا تاريخنا والاسلام
والدين مننا والله برىء
لخبط لخبطه شخبط شخابط
امسك طباشير واكتب ع الحيط
---------------------.
بنحكم ناس ملهاش اديان
ولا تعرف ايه كلمه انسان
بيقيسوا مصيرنا بنقط الزيت
ويحلوا المُشكل بالتبريد
مع فرد حمام وغصن زيتون
وننام ونروح فى العسل نوم
ويهدوا فى اقصى ويبنوا بيوت
مهوا بالتمهيد عزيمتنا تموت
ولا يفضل غير الاونكل سام
يحكم فى شعوب ويزيل اديان
ولخبط لخبطه شخبط شخابيط
امسك طباشير واكتب ع الحيط
------------------------.
نظمنا دوره للناشئين
وصرفنا بالدولارات ملايين
نعقد ندوات ومؤتمرات
غير البدلات والانتقالات
ونروح لباريس ونعيد فى ديون
وبكل همومنا مش حاسين
لا هممنا القدس ولا فلسطين
حتى بالاقصى مش سائلين
يرحم حطين
وصلاح الدين
ولخبط لخبطه شخبط شخابيط
امسك طباشير واكتب ع الحيط
--------------.
الحل الامثل نتوحد
وندوس ع الصعب ونتمسك
بتاريخنا ودينا ونتعهد
لنعيد الاقصى وفلسطين
ونرجم روحنا من التخبيط
وكفايه لخبطه
وكفايه شخبطه
وحرام تاريخنا يروح ع الحيط
لخبط لخبطه
شخبط شخابيط
الواد بن شولح اصله عبيط
-----------------.
شعر/ محمد توفيق
-----------------.
لخبط لخبطه شخبط شخابيط
امسك طباشيرواكتب ع الحيط
الواد بن شولح بقى نمرود
وطول اليوم قاعد تنطيط
بيهد ويبنى ومش سائلين
ويقتل ناس ونقول ده عبيط
لخبط لخبطه شخبط شخابيط
امسك طباشير وأكتب ع الحيط
--------------.
الدم العربى بقى متهان
ونقول لا تهاون لا استسلام
ونذيع فى بيان ونقول فى كلام
عن عصر رخاء وعصر سلام
حكامنا راحت فى الاحلام
وبقينا فرجه فى كل مكان
دمرنا تاريخنا والاسلام
والدين مننا والله برىء
لخبط لخبطه شخبط شخابط
امسك طباشير واكتب ع الحيط
---------------------.
بنحكم ناس ملهاش اديان
ولا تعرف ايه كلمه انسان
بيقيسوا مصيرنا بنقط الزيت
ويحلوا المُشكل بالتبريد
مع فرد حمام وغصن زيتون
وننام ونروح فى العسل نوم
ويهدوا فى اقصى ويبنوا بيوت
مهوا بالتمهيد عزيمتنا تموت
ولا يفضل غير الاونكل سام
يحكم فى شعوب ويزيل اديان
ولخبط لخبطه شخبط شخابيط
امسك طباشير واكتب ع الحيط
------------------------.
نظمنا دوره للناشئين
وصرفنا بالدولارات ملايين
نعقد ندوات ومؤتمرات
غير البدلات والانتقالات
ونروح لباريس ونعيد فى ديون
وبكل همومنا مش حاسين
لا هممنا القدس ولا فلسطين
حتى بالاقصى مش سائلين
يرحم حطين
وصلاح الدين
ولخبط لخبطه شخبط شخابيط
امسك طباشير واكتب ع الحيط
--------------.
الحل الامثل نتوحد
وندوس ع الصعب ونتمسك
بتاريخنا ودينا ونتعهد
لنعيد الاقصى وفلسطين
ونرجم روحنا من التخبيط
وكفايه لخبطه
وكفايه شخبطه
وحرام تاريخنا يروح ع الحيط
لخبط لخبطه
شخبط شخابيط
الواد بن شولح اصله عبيط
-----------------.
شعر/ محمد توفيق
ليست هناك تعليقات:
إرسال تعليق