نفس المكان بقلم الدسوقي جابر الدسوقي

نفس المكان
*******
من زمان
إيدي م بتفارق خدي
مشغول البال
وهمومي
مش عايزه تعدي
والحُزن الساكن جوايا
عمال بيزيد
من غير مواعيد

والدنيا
بتاخد م بتدي

وانا و الأفراح
مابنا براح
والعُمر
أهو راح
وسنين بتعدي
وانا و قلبي
عايشين ف جراح
ولا يوم برتاح

والجرح
جلاد وبيددي

وأديني صابر
أهو ع الأخر
وبقول يمكن
همي
ف يوم يتاخر
والحُزن
يجي يوم
ويكون له آخر
والجرح
يجي يوم ويعدي

والفرح
على قلبي يهددي
*****
الدسوقي جابر الدسوقي