حكاية شعب .. للزحف المقدس قام وثار .. وخطوته تولع شرار !
!!!!!!!!!!!!!!!!!!!!!!!!!!
كل شئ أصبح
بطعم السم
أصل أنا اللى
طول عمرى
عايش أشيل الهم
وعشان ..
عيونك يا مصر
قبلت كل الغم
..................
خايف عليكى
من ظلم جُهالك
وبردو خايف
ليغضبوا عيالك
شايف الخراب
جاى من بعيد
بعد ما اندبح
العدول من رجالك
...............
من يومى وأنا صابر
حاضن تراب بلدى
ولا قلت مرة أهاجر
وفضلت ع- الحال دا كتير
ييجى تلاتين سنه وأكتر
عشت فيهم مرار
يخلى القديسين تكفر
شفت الحرامى والمعرص
والمنافق كل يوم يكبر
وأنا ابن الأصول والتاريخ
مقضيها من أصغر لأصغر
....................
بعت اللى
وارثه عن أبويا
ونفس الشئ
عملوا قبلى أخويا
كان عندنا
أرض وعتب وجناين
ويا ما قالى أبويا هاجر
دا كل شئ باين !
هنا المعرص بس ..
يبنى قصور
ويعلى ف- مداين
بلدنا تقدر تعيش فيها
لو كنت راجل معرص
والتعريص مصطلح
يحتاج لألف كتاب
تتعلمه خطوة خطوة
مع كل أنواع الكلاب
اللى رباها أفندينا المهاب
......................
بس كان حازز ف- نفسى
إنى أسيب بلدى
أسيب سمايا ونيلى
وف- الغربة يعيش ولدى
وعدت الأيام ولقيت الخلق
بتتخلى عن كله ..
حتى عن دينها
والقيم والمبادئ
اللى ورثينها
أتارى الفقر والحوجة
لو دخلوا البيوت
بيخلوا الشريف هلفوت
.....................
تقوم البنت
وتخلع مع الحشمة شرفها
وبردو المدام
هتدوس على عفافها
وف- لحظة تلقى بيتك
بيت دعارة
والترس ماشى يا صحبى
والدنيا دوارة
....................
وف- البيت اللى جنبك
هتلاقى جارك بقى سياسى
وف- السياسة يعيش ويموت
نجمه يطير ف- السما ..
الحافى اللى مكنش لاقى
ف- يوم سحتوت
....................
حياته كلها سياسة ونجاسة
ما هو المعرص لو مسك
عضمه عمره ما هيسيبها
يصحى كل يوم بدرى
نشيط ومتعافى
واتبدلت لحوال
وابن الأصول
هو اللى .. بقى حافى
...................
أصل جارى
حِدق من الحِدقين
سرح مراته وبنته
وأصبح قليل الدين
ميكرفونه ديما ف- إيده
بيخطب ف- الانتخابات
وصوته ديما ملعلع
ف- المحليات
وف- مجلس الشعب
هيسمعك أحلى الآهات
وف- لحظة يترقى
ويبقى رئيس مجلس
وبردو رئيس الحزب
لما يعوز
مدام تملى بيدفع
يجوز وألف يجوز
.......................
وشوية ويبقى وزير
ويهرب الأموال
وكل يوم يكبر
مهما تكون لحوال
ويبنى عمارة
للدعارة ف- ميامى
والوزرا وعيالهم ونسوانهم
يروحوا يطلعوا كل الغرايز
والكل يزنى ..
اللى عايز واللى مش عايز
.....................
وكل شهر سفرية لأوروبا
وحصانة ملعونة
تعديه بأى كميه من الهروين
والمليون يبقى
عشرة من الملايين
ما هيا دى التجاره ف- بلدنا
وأصول الانفتاح
وهروينك ..
مع تجارة السلاح
هيعيشوك مرتاح
....................
وبعدها يخش
ع- الرشاوى والعمولات
بعد تجارة البودرة
والسلاح والعاهرات
وكل عرص كبير ف- محافظة
حواليه كتير من العرصات
وتكبر العائلات
وتتأسس دولة كبيره للبهاوات
وكل الكلاب العويلة
يصبحوا بشوات ..
بشوات جداد غير زمان
عرصات ولاد عرصات
...................
آه يا بلد سافلة
وبتكبر حثالة الناس
وفيها فريق تدليس
مخلى من الإحساس
فيكى العويل متبغدد ..
والشريف عايش محتاس !
(¯`
v´¯)
`•.¸.•´
¸.•´¸.•¨) ¸.•¨)
(¸.•´ (¸.•´ (¸.•¨¯`? .
~? محمد ? البكرى ?
ليست هناك تعليقات:
إرسال تعليق