ياللي شيلتك بين حشايا..
وجوا حضني..وف الحنايا..
قلبي شالك..قبل بطنى ..
ودى الحكاية..
لما جانى الَطلق فيك..
قولت جاني خلاص ولد..
ربنا عوضني بيك..
تبقي عون ليا وسند..
بس أتارى إللى إتولد..
فيه عيب خطير..
قالوا الأطبه ياريته مات..
إبِنك مُعااااااااااااق..
بس الإعاقه فى الضمير..
والقلب متلون سواد..
راح يبقي لشيطانه آسير..
وده عيب خطير..
..
إبنى اللى كبرته..
وضهري عليه إنحني..
وإللى بنيته وهدني..
ورماني جوا المطحنة..
قالوا الضني..!!
مهما عمل أسمه ضني..
أما صحيح إنك زمن..
قالب علينا سِحنتك..
فيك الأصيل ملوش تمن..
فارض علينا سُنتك..
إبنى يبعني ويشتري..
اللى في سوقهم مايساووش..
خليته يطغا ويفتري..
باع الدهب علشان فاشوش..
كانت وصية النبي..
أمك وأبوك..
مايعيشوش العمر..
لأجل يلعنوك..
..
تطردني من بيتك عشان..
ترضي المدام..!!!!
ماهي أولي بصُحبتك..
مافيهاش كلام..
ولو تنام فوق الحرير..
وأمك تنااااااااام..
في الطل عادي ياسلام..!
خايفه في يوم لما أندفن..
تفرح لموتي وتنشَرح..
وبدال ماتعمل يوم عزا..
تقلب عزايا صوان فرح..
وصوتك إللي ف يوم عِلي..
مارحمش ضعفي فى الكِبر..
وإيدك إللى رفعتها..
ماتكونش ليك درس وعِبر..
وإن كان على قلبي..إنجرح..
ماقدرش يوم يدعي عليك..
إنت بتزرع فيه جراح..
وهو يزرعلك...فرح..
..
ولاء عدنان
ليست هناك تعليقات:
إرسال تعليق